25 қазанда Қазақстанда ереуіл ұйымдастыру жоспары жүзеге аспаған қашқын экс-банкир Мұхтар Әбілязов енді 16 желтоқсан күнін өзінің мүддесіне пайдаланбақ. Өзінің аудиториясына арналған жазбасында 16 желтоқсанда жаппай митингіге шығайық деп оның неге арналғанын ақшаға алып нақтылап қойыпты - (Желтоқсан 1986, Жаңаөзен 2011, Қаңтар 2022).

Бірақ Әбілязовты өзі, әлбетте, Парижде отыра бермек. Ал өзіне сеніп қалған аңқау адамдарды құрбандыққа шала беретіні жасырын емес. Оларды қылмысқа итермелейді, ал жауапкершілікке тартылған соң, «режимнің құрбаны» деп жариялап, Қазақстан билігіне өшпенділігін ақтап, арттыра түсу үшін пайдаланады. Жалпы, Әбілязов өзінің популистік үндеуінің барлығы нәтижесіз қалатынын алдын ала біледі. Тек спектаклін жалғастыруы керек.

Шоу жалғаса береді. Бір жағынан ол үшін бұл ойын, екінші жағынан көздеген мақсатына жеткізетін құрал. Өйткені Францияда саяси босқын мәртебесінен айырылғалы бері кез келген жолмен өзінің қылмыскер емес, саяси диссидент, "демократия үшін режиммен күресіп жүрген оппозиционер" екенін дәлелдеуі керек. Осы орайда Желтоқсан оқиғасымен манипуляция жасау өзіне өте тиімді деп ойлайды. Бірақ оның есебі дұрыс емес. Оның өткен жолынан хабардар көзі ашық адамдар оған сенбейді. Олар үшін Әбілязов – авторитет емес.