Қазандадағы мектепте атыс болып, кемінде 9 адам қаза болды

none

Қазан қаласында мектепте атыс болып, кемінде 9 адам қаза болды. "Казан репортер" басылымы оқиғадан тікелей эфирде хабар таратты. Интерфакс та тоғыз адамның қаза болғанын хабарлады.

"Нақтыланған мәлімет бойынша, 8 оқушы және бір мұғалім қаза болды" деді аты-жөнін айтпаған дереккөзі агенттікке.

Кейбір дереккөзге сүйенсек, 11 немесе 13 адам мерт болған. РИА Новости агенттігі екі оқушының үшінші қабаттан секіріп, жазым болғанын жазды.

ТАСС агенттігінің хабарлауынша, оннан астам оқушы ауруханаға түскен. Барлығы 30 адам зардап шеккен.

Life полицияның мектепте оқ атқан адамды ұстап жатқан сәтінен видео жариялады.

Mash телеграм арнасының мәліметінше, оқиға кезінде 19 жастағы Ильназ Галявиев ұсталған. Ол бұрын осы мектепте оқыған, бірақ қазір техникумда білім алып жатыр. Ол полицияға үйіне бомба қойылғанын хабарлаған.

Оқиға орнына барған президент Рустам Минниханов ұсталған адамның 19 жаста екенін растаған. Мектепке сабақ кезінде шабуыл жасалған. Онда мыңнан астам бала оқиды.

NEXTA Live Телеграм-арнасында күдіктіден жауап алынған сәттің видеосы пайда болды.

"Мен құдай екенімді бірден түсінбедім, тек екі ай бұрын. Ал жазда менің бойымда құбыжық ояна бастады. Бәрін жек көретінмін. Бәрін жек көрдім және ол сезім күйшейе бастады. Менде қандай да бір психикалық ауытқу бар деп айтуышы болмаңдар", - дейді Ильназ Галявиев.

Сондай-ақ, ұсталған ер адам оны ешкім қылмыс жасауға итермелемегенін айтқан.

"Маған ешкім бұйрық берген жоқ. Мен екі ай бұрын құдай екенімді түсіндім. Оны алғаш рет анама айттым. Менің анам жоқ, оны сіз деп атаймын. Ол менің анам емес. Менің ата-анам жоқ. Мен бәріңді жек көремін. Анам жоқ, мен бәрінен бас тартқанмын. Мені дүниеге әкелген әйел ана емес. Анам да, әкем де жоқ, мен оларды ешқашан олай атаған емеспін"

Айдары: Найзағай 11.05.2021 78

Қатысты мазмұн