Алматыда қоқыстан тамақ жеп, киім киетін дәстүр пайда болды

none

Алматыда қоқыстан тамақ жеп, киім киетін жастар тобы пайда болды. 20 адамнан тұратын арнайы топ күнде кешкісін әлеуметтік желі арқылы суреттер бөлісіп отырады, - деп хабарлайды Almaty.tv.

Алматы қаласында ерекше бір топ жастар өмір сүреді. Ерекшелігі сол - олар жарамдылық мерзімі өтіп кеткен көкөністер мен жеміс-жидектерді қоқыстан тауып жейді. Бар мақсаттары - күнделікті ақшаны үнемдеу. Бұл істеріне еш ұялмайтын көрінеді. Тамақтан бөлек, қоқыстан тұрмыстық техникадан бастап, киімдерге дейін тауып алып әлеуметтік желі арқылы сатып та көріпті. Қоғамда мұндай жандар "фригандар" деп аталады. Олар тұрғылықты мекені жоқ, қаңғыбастардың қатарына жатпайды. Олар тек жарамдылық мерзімі өтіп кеткен көкөністер мен жемістерді қоқыстан тауып жейді.

text

Өзін Диего деп таныстырған 22 жастағы жігіттің түріне қарап, қоқыстан тамақ тауып жеп жүрген қаңғыбас деп айтпайсың. Тұрақты жұмысы бар. Ата-анасымен бірге тұрады. Бірақ, қоқыс аралап, күнін көріп жүргеніне 2 жылға жуықтапты. Жасап жүрген ісін бір жағынан ақшасына үнем деп санаса, бір жағынан табиғатқа жасап жатқан қомқорлығым деп біледі. Себебі, қорап-қорап тасталып жатқан көкөністерді көргенде обал екенін айтады.

"Көбіне мұндай тағамдар ірі сауда-орындарының қоқыс тастайтын жерлерінде кездеседі. Күнде кешкілік келіп, осылай жеуге болатындай азық-түліктерді іріктеп аламыз. Қала орталығында үлкен мейрамханалардың қоқыс жәшігіне де жиі барамыз. Себебі, онда дайын салаттар мен тағамдардың түр-түрін табуға болады. Мейрамхана иелері жарамдылық мерзімі өтіп кетті деп тастай салады, негізі ондай емес", - дейді Диего.

Ал, азық-түлік сататын ірі сауда орынындағы мамандар болса, мерзімі өткен тағамдарды қоқысқа тастамаймыз деп ақталды.

"Жарамдылық мерзімі өткен тауарларды серіктестердің өздеріне қайтарамыз. Тегін ешкімге берілмейді. Оларды компания серіктестеріне тапсырамыз. Олар өздері ары қарай утилизация жасайды. Жарамдылық мерзімі өтсе де, ешқандай тауар тегін берілмейді", - дейді сауда дүкенінің менеджері Мұрат Балапан.

Жастар қоқыстан қымбат зат тапса күнде кешкісін әлеуметтік желі арқылы суреттерді бір-біріне жіберіп, бөлісіп отырады, сол үшін мақтанатындарын да жасырмайды. Диего бұған дейін, мерзімі өткен тамақ жеп мүлде ауырмаған. Ал, инфекция мамандары болса, мұндай тағамдарды жеу денсаулық үшін аса қауіпті екенін айтады.

"Қоқыс жәшіктерінен табылған азық-түліктерді қолданған сәтте ондағы вирустар мен бактериялардың кесірінен адам ағзасында жұқпалы ішек аурулары пайда болады. Инфекциялық аурулардың ішіндегі ең қауіптісі – гельминтоз бен эхинококк ауруы. Бұл аурулар адам денсаулығында бірден байқалмайды. Уақыт өте келе, кері әсерін береді. Адамдар өз ағзасында мұндай аурулардың барын білмейді де. Ол арнайы тексеруден кейін анықталады", - дейді паразитолог Лиза Сейдуалиева.

Олар тамақтан бөлек, қоқыстан тұрмыстық техниканы да іздейді. Тіпті кіржуғыш машина мен қысқа толқынды пеш тауып алыпты. Тапқан бойда әлеуметтік желіге хабарландыру салып, лезде сатып жіберген. Олар айналысып жүрген істеріне бизнес ретінде қарамайды. Ал қоқыстан тапқан тамақты өмір сүруге қажеттілік ретінде пайдаланады.

Айдары: Текемет 18.01.2020 54

Қатысты мазмұн