"Талибан" Ауғанстан билігін басып алды. Қазақстанға қандай қауіп төніп тұр?
Қытайдың Ухань қаласынан эвакуацияланған 89 қазақстандықтың жағдайы жақсы, дене қызуы жоқ және анализдерінен коронавирус жұқтырмағаны анықталды. Бұл туралы 3 ақпанда Нұр-Сұлтанда өткен брифингте Қазақстанның бас санитарлық дәрігері Жандарбек Бекшин хабарлады.
Бас санитарлық дәрігердің сөзінше, Уханьнан келгендер 14 күндей карантинде болады.
Бекшин Қазақстанда коронавирус жұқтыру күдігімен 46 адамның әлі ауруханада жатқанын, 43 адамның ауруханадан шығарылғанын айтты.
Ол 3 ақпаннан бастап Қазақстан мен Қытай арасында әуе рейстер тоқтағанын, шекарадан тек ресми делегация өкілдері ғана өтетінін мәлімдеді.
Бекшиннің сөзінше, медициналық маска шығаратын мекемелер қазір толық жұмыс істеп жатыр.