Теміртауда газ жарылып, бес қабатты тұрғын үйдің бір бөлігі опырылды. Оқиға салдарынан төрт адам зардап шекті, - деп хабарлайды Tengrinews.

Металлургтер даңғылы, 5/2 мекенжайындағы бес қабатты тұрғын үйде жарылыс болды. Оқиға туралы Қарағанды облысының Төтенше жағдайлар департаментіне сағат 12:08-де хабарланды. Оқиға салдарынан төрт адам зардап шекті, үш пәтерге зақым келген. Қазір оқиға орнында үйінділер тазартылып жатыр.

"53 адам эвакуацияланды, оның ішінде жетеуі бала. 1989 жылы туған пәтер иесі жарақат алып, Теміртау қалалық ауруханасына жатқызылды. Қазір Қарағанды облысы Төтенше жағдайлар департаментінің 22 қызметкері мен жеті техникасы жұмыс істеп жатыр", - деп хабарлады Қарағанды облысы Төтенше жағдайлар департаментінің баспасөз қызметі.