Шахановтың жыр кешіне келген халық залдан шығып кетті

none

Кеше Түркістан қаласында Қазақстанның халық жазушысы Мұхтар Шахановтың кеші өтті. Бірақ ақын кешіне келген көрермен соңына дейін отырмай кетіп қалған.

«Сағат 16:00-ге жоспарланған Мұхтар Шаханов ақынымыздың "Баба Түркістан" кеші өтті. Әрине, кеш үлкен мәдениет сарайында өтсе бір сәрі, әрі кетсе 100 адамға арналған мәдениет үйіне "халық жинай алмау" деген ұят дүние. Негізі, бұл кешке халық жартылай жиналған. Алайда, кеш ортасында Түркістан облысы әкімінің орынбасары Сакен Қалқаманов құттықтау сөз айтып кеткен соң, қу тіршілігі бар халық та залда қалмады. Тек 20 шақты ғана адам қалған соңына дейін отырды, - деп жазды блогер Мәдина Сарбалаева өзінің парақшасына.

Оның айтуынша, бұл көрініске шыдамы жетпеген жанында жүрген жанашыры өксігі келіп тұрып сахнада сөйлеген.

«(Ақынға) Туған жеріне, рухани астанаға келгенде көрсеткен құрметтерің осы ма? Ақынды тыңдайтын халық қайда? Соңына дейін отырған жандарға ақын атынан алғыс. Расымен 120 елден сыйлық алған, 170 елдің тіліне шығармасы аударылған ақынның кеші бұлай ұйымдастырылғаны ұят тірлік. Көзі тірісінде құрметтемеген ақынды, өлгенде еске алу кештерін өткізу сорақылық. Моңғолияда аяғын жерге тигізбей күткен ақынды, өз елінде құрметі осы болды. "Мұндай боларын білгенде Түркістанға әкелмес едім" деді ақынның жанашыры жыламсырап.

Айдары: Текемет 24.12.2019 64

Қатысты мазмұн