Нұр-Сұлтандағы дәмханадағы жарылыс кезінде 30-дан аса адам жарақат алған

none

Шұбары ауданындағы жарылыс кезінде түрлі жарақат алған 33 адам қалалық ауруханаға жеткізілді.

Олар тексерістен өтіп, ем қабылдап жатыр. Мамандар мен медициналық қызметкерлер көмек көрсетіп жатыр. Қазір оқиға орнында жедел жәрдемнің 3 бригада кезекшілікте. Жалпы "103" қызметінің 22 бригадасы жұмылдырылды. 3 автокөлікке зақым келген.

"Оқиға орнында жедел штаб орналастырылды, үйінділерді тазалау жұмыстары жүріп жатыр. Нұр-Сұлтан қаласындағы төтенше жағдай кезінде зардап шеккендерге психологиялық және ақпараттық қолдау көрсету мақсатында "сенім телефондары" ашылды: 8-7172-24-51-71 және 8-7172-24-51-47", - деді астаналық ТЖД өкілдері.

Оқиға орнында ТЖМ Медициналық-психологиялық қызметінің апаттар медицинасы және басқару орталығының 3 психологы жұмыс жасап жатыр.

Еске салайық, бүгін Нұр-Сұлтандағы дәмханада жарылыс болып, бір адам қаза тапқаны хабарланған болатын.

2020 жылдың 21 қараша сында сағат 12:25-те Нұр-Сұлтанның Төтенше жағдай департаментінің кезекші-диспетчерлік қызмет пультіне дәмхананың бірінде газ баллоны жарылғаны туралы хабар түскен.

Айдары: Найзағай 21.11.2020 18

Қатысты мазмұн