Шымкентте жаз шыққалы 25 адамды қарақұрт шаққан. Олардың төртеуі - кәмелетке толмаған балалар, - деп хабарлайды "Отырар".

Басылымның мәліметінше, зардап шеккендердің саны шілде айында бірден өсіп кеткен. 10 адам әлі күнге дейін қаладағы токсикологиялық бөлімде ем алып жатыр.

Қарақұрт шағып алғанның белгілері: аяқ-қолдың тырысып қалуы, қызу көтерілуі, бас ауруы, терлегіштік, құрсақ қуысының ауруы, ойық жара ауруы мен панкреатиттың асқынуы, аритмия.

tengrinews.kz