Мексиканың Идальго штатындағы жоғары қысымды құбыр жарылысында 79 адам қаза тапты, деп хабарлайды ҚазАқпарат El Universal газетіне сілтеме жасап.

Елдің денсаулық министрі Хорхе Алькосера кемінде 79 адам қаза тапты деп мәлім етті. Басылымның жазуына қарағанда, соңғы мәліметтерге сәйкес жарылыстан зардап шеккен 81 адам медициналық көмекке жүгінген. Ал ауруханада қазір 66 адам жатыр.

Еске сала кетсек, жұма күні кешке Мексикада құбыр жарылып 66 адам қаза тапқанын хабарланған. Жергілікті тұрғындар жанармай ұрлау үшін жоғары қысымды құбырды заңсыз тескенде өрт шығып, артынан жарылыс болған.