Кеше М.Әуезов атындағы Оңтүстік Қазақстан мемлекеттік университетінің ҒЗБ жанындағы «Мұра» Жас зерттеушілер және шығармашылардың Кіші акедемиясы ұйымдастырған «Әуезов оқулары-17: Әлемдік кеңістіктегі ғылым мен руханияттың жаңа серпіністері» атты халықаралық ғылыми-тәжірибелік конференциясы болып өтті.

Конференцияға №64 мектеп-гимназиясының 11-сынып оқушылары Айсауле Маутан «Сұлу болсын ғұмырың», Ажар Тимурқызы «Кәдесый - ұлт айнасы» Дана Бейсенбаева «Hitech үрдісіндегі ақылды үй» тақырыбындағы шығармашылық жобаларымен қатысып, жоғары дәрежеде қорғап шықты. Нәтижесінде ғылыми зерттеу және шығармашылық жобалар байқауының жеңімпазы дипломымен марапатталды.

Бүгінгі жастар - ертеңгі кәсіби білікті маман, болашақ отбасының тірегі. Бұлақ көрсең көзін ашу - бізге жүктелген міндет. Баланың бәрі талантты, олар білім алуға құштар. Алайда олармен жұмыс істеп, білім мен ғылымға деген қызығушылығын ашып, арттыру керек. Технологиялар заманында ақыл да, тың идея да жастардан шығады. Біз жастарымызды тыңдап, қолдап, бағыт-бағдар беріп, демеп, үйренуіне жағдай жасап отыруымыз қажет. Әрбір жас қоғамда өз орнына ие болу үшін, кез-келген қоғамдық мәселеге бейжай қарамауы тиіс. Себебі патриоттық рух та, азаматтық ерік-жігер де ортамен араласумен туындайды. Осылай креативті пікір айтып, соңғы инновациялық технологияларды пайдалану арқылы жобалар ұсынып жатса, мақұлдау қажает. Өйткені барша мемлекеттің болашағы - бүгінгі жастардың қолында.

Бану Алимбекова,
Ж. Аймауытов атындағы № 64 мектеп-гимназиясы
технология пәнінің І деңгейлі мұғалімі, мектеп тренері
Шымкент қаласы