Жол ережесі айыппұлын азайтатын заң күшіне енді

Жол ережесі айыппұлын азайтатын заң күшіне енді

Бүгін, 9 қаңтар Қазақстанда өзгертілген "Әкімшілік құқық бұзушылық туралы кодекс" күшіне енеді.

Өзгертілген заңда жол ережесін бұзғандарға салынатын айыппұл көлемі азайтылған. Ескі заң бойынша, жылдамдықты сағатына 10 километрден 20 километрге дейін асырғаны үшін 10 айлық есептік көрсеткіш (22 700 теңге) көлемінде айыппұл салынатын болса, жаңа заңда айыппұл мөлшерін бес АЕК-ке (11 350 теңге) дейін азайту қарастырылған. Сонымен қатар, «жол қиылысы мен торабынан өту ережесін бұзғаны» үшін салынатын айыппұлды 10 АЕК-тен (бір АЕК - 2269 теңге) үш АЕК-ке дейін азайту да қарастырылған. Бұған дейін жолдың қарсы бетіне шығып кеткені үшін жүргізуші куәлігінен бір жылға дейін айырылатын. Жаңа заңда бұл мерзім алты айға дейін азайтылған.

Қазақстан бас прокуратурасы биылғы жылдың басында айыппұлды көбейту жолда заң бұзушылықты азайтпайтынын айтып, айыппұл көлемін азайтуды ұсынған. Бұдан өзге, прокуратура елде тұрғындардың табысы азайғанын, ал кейбір айыппұл көлемі соңғы 15 жылда бірнеше есеге көбейтілгенін айтқан.

Айдары:  Найзағай
09.01.18
66 оқылды

Пікір саны (0)

Жаңа пікірді жазу

  • Веб-парақтар және e-mail мекенжайларын автоматты түрде сілтемеге аударады.
  • Рұқсат етілген HTML тегтер: <a> <em> <strong> <cite> <code> <ul> <ol> <li> <dl> <dt> <dd>
  • Жол және абзац үзілімдері автоматты түрде қойылады.

Пішімдеу нұсқаулары туралы толығырақ ақпарат

CAPTCHA
This question is for testing whether you are a human visitor and to prevent automated spam submissions.